Det er fotograf og journalist Ingrid Eide som dokumenterer den tradisjonsrike seterkulturen i Norge gjennom Budeiekalenderen. Kalenderen for 2010 er vidareføring av arbeidet som starta i 2008. Motiva er frå Sør–Trøndelag, Hedmark, Oppland, Møre og Romsdal, Sogn og Fjordane, Hordaland og Telemark.
Kalenderen har fått støtte frå fylkesmennene i Hedmark, Oppland og Møre og Romsdal.
Budeia er den viktigaste tradisjonsberaren for norsk seterkultur, og setra er i mange samanhenger utstillingsvindauget for norsk natur, kultur og matproduksjon. Men kven er den norske budeia i dag? Som følgje av nedleggingar av gardsbruk og etablering av samdrifter har seterkulturen endra seg – og dermed er også rolla til budeia sterk forandra.
