Dette har samanheng med endring i haldningar, større interesse for seterdrift og ikkje minst endringar i landbrukspolitikken. I samband med innføring av regionale miljøprogram, RMP, vart det i Nord–Trøndelag innført setertilskot med tre ulike satsar avhengig av miljøinnsatsen. Den høgste satsen er på 50 000 kroner, men det føreset at setra er bebudd i minst fire veker, at minst to kyr eller 10 geiter blir mjølka dagleg og at mjølka blir foredla på setra. I tillegg skal setra ta i mot besøkande som ønskjer å oppleve seterlivet.
Kjelde: Fylkesmannen i Nord–Trøndelag.
