Ved Kulturlandskapssenteret
Kulturlandskap kjem inn under mange sektorar, fyrst og fremst landbruk, miljø og kulturminnevern. På regionalt nivå er det Fylkesmannen som har ansvaret for landbruk og miljø, medan det er fylkeskommunen som har ansvaret for kulturminnevern, deriblant freda og verneverdige bygningar.
Fylkesmannens landbruksavdeling er underlagt Landbruks- og matdepartementet, medan Fylkesmannens miljøvernavdeling er underlagt Miljøverndepartementet. Fylkeskommunens sine fageiningar for kulturminnevern er underlagt Riksantikvaren, som igjen soknar inn under Miljøverndepartementet. Kommunen må såleis forhalde seg til ulike regionale og statlege instansar avhengig av kva tema innanfor kulturlandskap det er tale om.
I tillegg til det som allereie er nemnt, kjem ulike aspekt innan bygdeutvikling, samt satsingar på innsyn langs turistvegar. Innovasjon Noreg og Statens vegvesen er dermed også aktuelle instansar i kulturlandskapssamanheng.
Ved å bruke menyen til venstre, kan du bli betre kjent med dei ulike forvaltningsnivåa og kven som gjer kva hjå dei ulike instansane. Vidare kva for aktuelle tilskotsordningar som er å finne innanfor offentleg forvaltning og elles.
Klikk dei ulike menyknappane til v. for meir informasjon.
